ارنا رپورٹ کے مطابق، "مجید تخت روانچی" نے جمعرات کے روز کو یوکرین جنگ سے متعلق اقوام متحدہ کی جنرل اسمبلی کے تیسرے غیر معمولی اجلاس میں، انسانی حقوق کونسل میں روس کی رکنیت کو معطل کرنے کے قرارداد کے مسودے کو تیار کرنے پر ووٹنگ کے دوران کہا کہ ایران موجودہ قرارداد کے مسودے کے متن کو سیاسی محرکات کی بیناد پر سمجھتا ہے جو اقوام متحدہ کی غیر جانبداری کو نقصان پہنچاتا ہے۔
اعلی ایرانی سفارتکار نے مزید کہا کہ ایرانی حکومت انسانی حقوق کے فروغ اور تحفظ کو بہت اہمیت دیتی ہے لیکن سیاسی مقاصد کے لیے اقوام متحدہ کے انسانی حقوق کے طریقہ کار کے غلط استعمال کو عالمی ضرورت کے اصول کے منافی اور انسانی حقوق کے مسائل کے لیے انتخابی نقطہ نظر کی کمی سمجھتی ہے۔
تخت روانچی نے کہا کہ ہم سمجھتے ہیں کہ انسانی حقوق کو سیاسی کوتہ نظری کا شکار نہیں ہونا ہوگا۔
اقوام متحدہ میں تعینات ایرانی سفیر نے مزید کہا کہ ہم اس بات پر زور دیتے ہیں کہ انسانی حقوق کی کونسل کے کام کو غیر سیاسی اور غیر محاذ آرائی کے ساتھ آگے بڑھانا ہوگا اور اس تنظیم کی رکنیت سیاسی بنیادوں پر نہیں ہونی ہوگی۔
انہوں نے کہا کہ اسلامی جمہوریہ ایران کی حکومت بین الاقوامی قانون کے مطابق تنازعات کے پرامن حل اور اقوام متحدہ کے چارٹر اور بین الاقوامی قوانین کے تمام فریقوں کے مکمل احترام کی ضرورت پر زور دیتی ہے۔
تخت روانچی نے کہا کہ ایران اس بات پر زور دیتا ہے کہ تمام ممالک کی خودمختاری اور علاقائی سالمیت کا مکمل احترام کیا جانا ہوگا اور تمام شہریوں کی سلامتی اور تحفظ کو یقینی بنایا جانا ہوگا۔
انہوں نے مزید کہا کہ ایرانی حکومت کو یوکرین میں انسانی صورتحال میں مسلسل اضافے پر گہری تشویش ہے، جس نے بڑے پیمانے پر بین الاقوامی توجہ مبذول کرائی ہے۔
واضح رہے کہ یوکرین جنگ پر اقوام متحدہ کی جنرل اسمبلی کا تیسرا غیر معمولی اجلاس، امریکہ اور اس کے اتحادیوں کی درخواست پر، انسانی حقوق کونسل میں روس کی رکنیت کی معطلی پر ووٹنگ کے لیے آج، جمعرات کو مقامی وقت کے مطابق، انعقاد کیا گیا۔
مغربی ممالک اقوام متحدہ کی جنرل اسمبلی کے 60ویں اجلاس کے قیام کے لیے قرارداد 251/60 کے آرٹیکل 8 کا حوالہ دیتے ہوئے، اقوام متحدہ کی جنرل اسمبلی میں روس کی رکنیت کو معطل کرنے کی کوشش کر رہے ہیں۔
اس آرٹیکل کے مطابق اگر انسانی حقوق کونسل کا کوئی رکن انسانی حقوق کی سنگین اور منظم خلاف ورزی کا مرتکب ہوتا ہے تو اقوام متحدہ کی جنرل اسمبلی دو تہائی اکثریت (مثبت اور منفی ووٹ) سے انسانی حقوق کونسل میں اس ملک کی رکنیت معطل کر سکتی ہے۔
**9467
ہمیں اس ٹوئٹر لینک پر فالو کیجئے. IrnaUrdu@
آپ کا تبصرہ