صیہونی ذرائع ابلاغ کا کہنا ہے کہ صیہونی حکومت پچھلے 9 ماہ سے غزہ کی دلدل میں پھنسی ہوئی ہے۔
صیہونی میڈیا نے اس بات پر بھی زور دیا کہ حزب اللہ نے اس اتوار سے شمالی مقبوضہ فلسطین میں صہیونی بستیوں کے خلاف اپنے حملوں کا دائرہ وسیع کر دیا ہے جو الجلیل کے مرکز تک پہنچ گیا ہے۔
آئرن ڈوم کا ڈیفنس سسٹم الجلیل میں حزب اللہ کے میزائلوں اور ڈرونز کو روکنے میں ناکام رہا اور ان کی زد میں آنے کے نتیجے میں متعدد صیہونی زخمی ہو گئے۔
عربی زبان کے بعض خبر رساں ذرائع نے اطلاع دی ہے کہ ایک میزائل یا ڈرون مقبوضہ فلسطین کے شمال میں طبریا عیلیت کے علاقے میں واقع بیج نامی تجارتی مرکز کے سامنے گرا اور اس علاقے میں خطرے کے سائرن نہیں بجے۔
ان ذرائع نے تاکید کی کہ لبنان سے متعدد راکٹ داغے گئے جنہوں نے طبریا کے قریب صہیونی فوجی اہداف کو نشانہ بنایا۔
آپ کا تبصرہ