شام کیخلاف تمام پابندیاں بغیر کسی سیاسی پیشگی شرائط کے اٹھا لی جانی چاہئیں: ایران

یہ بات علی اصغر خاجی نے جمعرات کے روز قازقستان کے شہر نورسلطان میں آستانہ فارمیٹ میں شام کے بارے میں 18ویں دور کے اجلاس کے موقع پر شام کے لیے اقوام متحدہ کے خصوصی ایلچی کی جانب سے سیاسی امور کے ذمہ دار رابرٹ ڈن کی سربراہی میں ایک وفد سے ملاقات میں گفتگو کرتے ہوئے کہی۔
انہوں نے اس ملاقات میں شام کی تازہ ترین پیش رفت، بحران کے سیاسی حل، آئینی کمیٹی اور شام کے بحران کے انسانی پہلوؤں پر تبادلہ خیال کیا۔
خاجی نے پابندیوں کے حوالے سے امریکہ کے امتیازی رویے پر بھی تنقید کی اور شام پر عائد تمام پابندیاں فوری طور پر ہٹانے کا مطالبہ کیا۔
انہوں نے شامی صدر کے عام معافی کے حکم نامے کا خیرمقدم کرتے ہوئے اسے اعتماد سازی کی جانب ایک مثبت قدم اور شامی حکومت کی طرف سے مسئلے کو حل کرنے کے لئے مثبت نقطہ نظر ایک نشانی قرار دیا۔.
اس ملاقات کے دوران فریقین نے شام کے آئین کے آٹھویں دور پر بھی تفصیلی تبادلہ خیال کیا اور 25 جولائی سے 3 اگست تک نویں اجلاس کے انعقاد کا خیرمقدم کیا۔
یہ بات قابل ذکر ہے کہ "آستانہ فارمیٹ" میں شام پر مذاکرات کے 18ویں دور کا بدھ کے روز قازقستان کے شہر نور سلطان میں آغاز کیا گیا۔
ہمیں اس ٹوئٹر لینک پر فالو کیجئے۔ @IRNA_Urdu