فلسطین کی خبر رساں ایجنسی "سما" کے حوالے سے ارنا کی رپورٹ کے مطابق، آج صیہونی حکومت کے جنگی طیاروں نے غزہ پٹی کے مرکز میں واقع النصرات کیمپ کے الشہداء اسکول پر بمباری کی ہے۔
اسکول پر کیے جانے والے اس حملے میں، جہاں متعدد فلسطینی پناہ گزینوں نے پناہ لےرکھی تھ، کم از کم 18 افراد شہید اور 42 زخمی ہوگئے۔
ادھر میڈیکل ذرائع کا کہنا ہے کہ آج صبح سے غزہ پٹی کے مختلف علاقوں پر صیہونی حکومت کے حملوں میں اب تک 29 افراد شہید ہوچکے ہیں۔
فلسطینی میڈیا نے غزہ کی پٹی کے شمال میں تل الزعتر میں العودہ اسپتال کو نشانہ بنانے کی بھی اطلاع دی۔
دوسری جانب غزہ کی وزارت صحت نے اعلان کیا ہے کہ صیہونی حکومت نے گزشتہ 24 گھنٹوں کے دوران قتل عام کے چار واقعات کا ارتکاب کیا ہے جس کے نتیجے میں 55 فلسطینی شہید اور 132 افراد زخمی ہوئے ہیں۔
غزہ کی وزارت صحت کے اعلان کے مطابق غزہ پر گزشتہ 384 دن جاری صیہونی جارحیت میں شہید ہونے والوں کی تعداد 42,847 تک پہنچ گئی ہے جبکہ 1 لاکھ 544 افراد زخمی ہوئے ہیں۔
آپ کا تبصرہ