ارنا کے مطابق دفتر خارجہ کے ترجمان اسماعیل بقائی نے غزہ اور غرب اردن میں غاصب صیہونی حکومت کے تازہ وحشیانہ جرائم کی مذمت کی ہے۔
انھوں نے گزشتہ چند روز کے دوران غزہ میں بے گھر ہونے والوں کی عارضی رہائشگاہوں اور اسپتالوں پر غاصب صیہونی حکومت کے حملوں میں سیکڑوں بے گناہ فلسطینیوں کے شہید اور زخمی ہونے کے لئے اس وحشی حکومت کی سیاسی حمایت اور اسلحہ جاتی مدد کرنے والوں بالخصوص امریکا اور برطانیہ کو جواب دہ قرار دیا۔
ترجمان دفتر خارجہ نے کہا کہ غاصب صیہونی حکومت نے جنگ بندی کے لئے ثالثی کرنے والوں کی کوششوں کو ناکام بنانے کے اپنے وحشیانہ حملے تیز کردیئے ہیں۔
انھوں نے کہا کہ ان حملوں کا مقصد غزہ کے مظلوم عوام کو یہاں سے نکلنے پر مجبور کرنا ہے جس میں اس کو فلسطینی عوام کی استقامت کے نتیجے میں ناکامی کا سامنا ہوگآ۔
آپ کا تبصرہ