ارنا نے قدس نیوز چینل کے حوالے سے رپورٹ دی ہے کہ صیہونی حکومت کے فوجیوں نے سنیچر کی رات غرب اردن کے علاقے بیت لحم پر حملہ کردیا۔
اس حملے کے بعد ہونے والی لڑائی میں 31 فلسطینیوں کے زخمی ہونے کی خبر ہے۔
اسی طرح فلسطین الیوم نے طولکرم کے مشرق میں نورشمس کیمپ پر غاصب صیہونی فوجیوں کے حملے کی خبر دی ہے۔
رپورٹ میں بتایا گیا ہے کہ صیہونی فوجیوں نے اس کیمپ کا محاصرہ کرلیا ہے۔
فلسطین الیوم نے غرب اردن کے علاقے طوباس اور نورشمس کیمپ کے اطراف میں صیہونی فوجیوں اور فلسطینی نوجوانوں کے درمیان جھڑپوں کی بھی خبر دی ہے۔
اس رپورٹ ميں نورشمس کیمپ کے اوپر صیہونی حکومت کے جاسوس طیاروں کی پرواز، صیہونی فوجیوں کی فائرنگ، اور کیمپ کے اندر دھماکے کی بھی خبر دی ہے۔
آپ کا تبصرہ