ارنا انٹرنیشنل گروپ کے نامہ نگار کو انٹرویو دیتے ہوئے حزام الاسد نے کہا کہ ہم اپنے اوپر ایک ہمہ گیر جنگ مسلط ہونے سے خوفزدہ نہیں ہیں، بلکہ امریکہ اور صیہونی حکومت کو خوفزدہ ہونا چاہیے، کیونکہ اسکا نتیجہ ان کے حق میں نہیں نکلے گا۔
انہوں نے کہا کہ اس علاقے سے امریکہ کے وسیع مفادات وابستہ ہیں اور صیہونی حکومت کا وجود امن کی مساوات ، فوجی برتری اور ڈیٹرینس پر منحصر ہے جو اب باقی نہیں رہا۔
الاسد نے کہا کہ امریکہ، برطانیہ اور صیہونی حکومت کے حملے ان کی ناکامی اور گڑبڑاہٹ کی علامت ہیں اور ہمیں یمن کی فوجی صلاحیتوں اور تنصیبات کے حوالے سے کوئی ڈر یا خوف نہیں ہے۔
انھوں نے کہا کہ یمن کی دفاعی صلاحیتیں انتہائی مشکل جنگی حالات کے لیے تیار کی گئی ہیں، اور یمن کے ہتھیاروں کو محفوظ ترین مقامات پر رکھا گیا ہے، اور ملک کی جغرافیائی خصوصیات بھی اس حوالے سے اہم کردار ادا کرتی ہیں۔
الاسد نے واضح کیا کہ یمن جدید ترین ٹیکنالوجی کے حامل ہتھیار بناتا ہے جن میں سے ایک الٹراسونک بیلسٹک میزائل ہے جنہوں نے مانیٹرنگ اور روک تھام کے تمام نظاموں کو بائی پاس کردیا ہے۔
آپ کا تبصرہ