الجزیرہ نیٹ ورک کے مطابق، انگلینڈ نے آج بحیرہ احمر میں "Tutor" جہاز کے ڈوبنے کا اعلان کیا۔
برطانوی میری ٹائم ٹریڈ آپریشنز آرگنائزیشن نے کہا کہ ایسا لگتا ہے کہ یمن کے حوثیوں نے بحیرہ احمر میں دوسرا جہاز ڈبو دیا ہے۔
گذشتہ مہینوں میں غزہ کے عوام کی حمایت میں یمنی مسلح افواج نے صیہونی حکومت کے متعدد بحری جہازوں یا اس غاصب حکومت کے لیے سامان لے جانے والے بحری جہازوں کو نشانہ بنایا ہے جو بحیرہ احمر، بحر ہند اور آبنائے باب المندب سے مقبوضہ علاقوں کی طرف جا رہے تھے۔
یمنی مسلح افواج نے عہد کیا ہے کہ جب تک صیہونی حکومت غزہ کی پٹی پر اپنے حملے بند نہیں کرتی اس وقت تک اس حکومت کے جہازوں یا مقبوضہ علاقوں کی طرف جانے والے بحری جہازوں اور بحیرہ احمر میں صیہونی حکومت کی حمایت کرنے والی اتحادی افواج کے بحری جہازوں پر حملے جاری رکھیں گے۔
امریکہ اور برطانیہ نے بین الاقوامی جہاز رانی کے تحفظ کے بہانے متعدد مواقع پر یمنی افواج کے ٹھکانوں پر حملے کیے لیکن بین الاقوامی ماہرین کے مطابق یہ اقدامات یمن کے بحیرہ احمر میں صیہونی بحری جہازوں پر حملوں کو روکنے میں کامیاب نہیں ہو سکے۔
یورپی یونین نے بحیرہ احمر میں "Aspides" کے نام سے ایک بحری مشن بھی تشکیل دیا ہے اور اس کا دعویٰ ہے کہ اس آپریشن کا مقصد صرف دفاعی ہے۔
آپ کا تبصرہ