انہوں نے لکھا ہے کہ ریاض میں عرب ممالک کی نشست مین عبدالفتاح سیسی کو بلایا ہی نہیں گیا جو اس بات کی علامت ہے کہ مصر کو غزہ میں تعمیر نو کے منصوبے سے کنارے لگا دیا گیا ہے۔
مصری حلقے اس بات کی وجہ صحرائے سینا میں فلسطیینیوں کو جبری طور پر کوچ کرانے پر سیسی کی مخالفت قرار دے رہے ہیں۔
اس فیصلے کے بعد امریکی حکومت نے مصر کو جیٹ فائٹروں کے پرزے دینے سے انکار کردیا ہے جس کے بعد مصر نے بیجنگ کی جانب رخ موڑ لیا۔
عبدالباری عطوان کے مطابق، امریکہ دوسرے محاذوں پر بھی مصر پر دباؤ بڑھا رہا ہے جس کے مقابلے کا واحد طریقہ کیمپ ڈیوڈ معاہدے سے قاہرہ کا نکل جانا ہے اور صیہونی حکومت کے ساتھ اس زبان میں بات کرنا ہے جسے وہ سمجھتا ہے یعنی طاقت کی زبان۔ انہوں نے کہا ہے کہ اگر یہ کام نہ کیا گیا تو اسرائیل اپنے گریٹر اسرائیل کے منصوبے کو عملی جامہ پہنانے میں دیر نہیں لگائے گا اور مصر کے مختلف علاقوں پر بھی قبضہ شروع کردے گا۔
عبدالباری عطوان نے مصر کے حکام کو تجویز دی کہ قاہرہ کو اپنی بقا کو یقینی بنانے اور اپنی پوزیشن واپس لینے کے لیے یمن کے راستے پر عمل کرنا چاہیے نہ کہ شام کے طریقہ کار پر، ورنہ اس کا انجام بھی شام سے بہتر نہیں ہوگا۔
آپ کا تبصرہ