امریکہ کا ہاتھ بھی صیہونی حکومت کی نسل کشی سے رنگا ہوا ہے: ایران

انہوں نے کہا کہ یہ نشست ایسے وقت منعقد ہوئی ہے جب صیہونی حکومت امریکہ کی حمایت اور مدد سے اور جان بوجھ کر ہسپتالوں اور اسکولوں کو تباہ اور خواتین، بچوں، صحافیوں حتی کہ اقوام متحدہ کے کارکنوں کا قتل عام کر رہی ہے۔

امیرسعید ایروانی نے کہا کہ ان وحشیانہ اقدامات کے نتیجے میں اب تک تقریبا 60 ہزار انسان شہید اور لاپتہ ہوئے ہیں اور اس سے کہیں زیادہ تعداد زخمی اور معذوروں کی ہے۔

اقوام متحدہ میں ایران کے مستقل مندوب نے زور دیکر کہا کہ ڈھائے جانے والے مظالم نے جسمانی اور نفسیاتی لحاظ سے فلسطینیوں کو لہو لہان کردیا ہے اور آج بھی انہیں نکبہ جیسے حالات کا بدستور سامنا ہے۔

انہوں نے کہا کہ اقوام متحدہ اور عالمی برادری کے انتباہات کے باوجود صیہونی حکومت اور اس کے حامی پوری دیدہ دلیری کے ساتھ اپنے جرائم اور مظالم جاری رکھے ہوئے ہیں کیونکہ انہیں امریکی حکومت کی طرف سے سزا نہ ملنے کا  اطمینان دلایا گیا ہے۔

امیرسعید ایروانی نے کہا کہ امریکہ کا ہاتھ بھی فلسطینیوں کے خون سے رنگا ہوا ہے۔