ارنا کے مطابق اسلامی جمہوریہ ایران کے میڈیکل اکیوپمنٹ ریسرچ اینڈ ٹیکنالوجی فنڈ کے مینیجنگ ڈائریکٹر حسین سلمانی نے اس خبر کا اعلان کرتے ہوئے بتایا ہے کہ ایران ہیلتھ 1404 بین الاقوامی نمائش میں بیس ملکوں کے نمائندوں کے شرکت سے تجارتی نشستیں منعقد ہوں گی۔
ایران ہیلتھ 1404 بین الاقوامی نمائش 8 جون کو تہران میں شروع ہوگی اور 11 جون تک جاری رہے گی۔
اسلامی جمہوریہ ایران کے طبی آلات کے تحقیقاتی صنعتی مرکز، میڈیکل اکیوپمنٹ ریسرچ اینڈ ٹیکنالوجی فنڈ کے مینیجنگ ڈائریکٹر حسین سلمانی نے بتایا کہ اس بین الاقوامی نمائش اور تجارتی نشستوں کا مقصد، بین الاقوامی معاملات کا فروغ، غیر ملکی سرمایہ کاری، برآمداتی منڈی میں توسیع اور طبی آلات، دواؤں اور میڈیکل سروسز سے متعلق نئی ٹیکنالوجی کی منتقلی ہے۔
انھوں نے بتایا کہ ایران کی نالج بیسڈ ٹیکنالوجی کمپنیوں کے ساتھ غیر ملکی تجارتی وفود کے مذاکرات کے لئے تہران کی بین الاقوامی نمائشگاہ کا ہی ایک ہال مخصوص کردیا گیا ہے۔
قابل ذکر ہے کہ ایران ہیلتھ 1404 طبی شعبے سے متعلق اس علاقے کی اہم ترین بین الاقوامی نمائش ہے ۔
آپ کا تبصرہ