ایرانی پارلیمنٹ کے اسپیکر محمد باقر قالیباف کے تعزیتی پیغام میں کہا گیا ہے کہ محترم روحانی شخصیت اور کیتھولک عیسائیوں کے مذہبی رہنما، تقدس مآب پوپ فرانسس کا انتقال افسوس کا باعث ہے۔
انہوں نے کہا کہ پوپ فرانسس امن کے داعی اور توحید کو فروغ دینے والی شخصیت تھے۔
قالیباف نے کہا کہ حالیہ برسوں میں انہوں نے توحید پرستوں اور خدا پرستوں کو خاص طور یگانگی اور مہربانی کی طرف بلانے کی انتہک کوششیں کیں۔
تعزیتی پیغام میں کہا گیا ہے کہ پوپ فرانسس امن کے داعی تھے جن کے اصلاح پسند اور انسان دوست اقدامات خدا پرستی کے پھیلاؤ، مذاہب کے درمیان مکالمے، تشدد اور جنگ سے پاک دنیا اور مظلوموں کی حمایت کے لیے تھے، جس میں غاصب صیہونیوں کے ہاتھوں غزہ کے بے دفاع لوگوں کے قتل کی مذمت میں ان کا واضح اور کھلا موقف اور تنقید شامل تھی اور وہ غزہ کے بچوں بے دفاع لوگوں کے حق میں آواز بلند کرنے کی بدولت انصاف کے متلاشیوں کو ہمیشہ یاد رہیں گے۔
قالیباف نے کہا کہ میں اپنی اور پارلیمنٹ کے نمائندوں کی جانب سے ویٹیکن کے حکام، کیتھولک چرچ کے تمام پیروکاروں اور مسیحی برادری سے ہمدردی اور تعزیت کا اظہار کرتا ہوں اور اللہ تعالی سے اس عظیم اور قابل احترام مرحوم کی روح کے لیے مغفرت اور آخرت میں ابدی نجات کے لیے دعا گو ہوں۔
آپ کا تبصرہ