ارنا کے رپورٹر نے بتایا ہے کہ شہید سید حسن نصراللہ اور شہید ہاشم صفی الدین کی تشییع کے پروگرام کے لیے آخری تیاریاں ہو رہی ہیں اور بیروت کی سڑکوں کو حزب اللہ کے شہید سربراہ سمیت دیگر کمانڈروں کی تصاویر سے سجا دیا گیا ہے۔
بتایا جا رہا ہے کہ حزب اللہ کے 5 ہزار اہلکار تشییع کے پروگرام کا انتظام سنبھال رہے ہیں۔
ادھر لبنان کے جنوبی علاقوں کے قصبوں اور دیہی علاقوں میں سید ہاشم صفی الدین کی تشییع کی تیاری ہو رہی ہے۔ رپورٹ کے مطابق، حزب اللہ کی ایگزیکٹیو کمیٹی کے شہید سربراہ سید ہاشم صفی الدین کی تشییع پیر 22 فروری کو "دیر قانون النہر" شہر میں بھی ہوگی اور اس کے بعد ان کے جسد خاکی کو سپرد خاک کیا جائے گا۔
یاد رہے کہ صیہونی جیٹ فائٹروں نے ضاحیہ پر وحشیانہ بمباری کرکے 27 ستمبر سن 2024 کو حزب اللہ کے سربراہ سید حسن نصراللہ کو شہید کیا تھا۔
4 اکتوبر 2024 کو بھی صیہونیوں نے بیروت کے جنوبی مضفات پر شدید بمباری کی جس کے نتیجے میں سید ہاشم صفی الدین نے جام شہادت نوش کیا۔
صیہونی طیاروں نے ابتدائی بمباری کے بعد بہت دیر تک اپنے سفاکانہ حملے جاری رکھے تا کہ امدادی ٹیموں کے پہنچنے اور حزب اللہ کے کمانڈروں کے بچنے کا امکان نہ رہ پائے۔
قابل ذکر ہے کہ وزیر خارجہ سید عباس عراقچی نے کہا ہے کہ اسلامی جمہوریہ ایران سے اعلی عہدے دار اور مختلف اداروں کے سربراہ شہدائے حزب اللہ کی تشییع میں شرکت کریں گے اور اس کا فیصلہ ملک کے اعلی ترین سطح پر کیا جا چکا ہے۔
آپ کا تبصرہ