اسلامی جمہوریہ ایران کی صدارت کے چودہویں دور کی توثیق اور منتخب صدر کی حکومت کے باضابطہ آغاز کی تقریب کل اتوار28 جولائی 2024 کو رہبر انقلاب اسلامی اور ملکی عہدیداروں کی موجودگی میں منعقد ہوگی جس کے دوران آئین کی شق نمبر 110 کے مطابق ولی فقیہ کی جانب سے منتخب صدر کے عہدہ صدارت کی توثیق کی جائے گی اور نئی حکومت باضابطہ کام کرنا شروع کر دے گی۔
اس پروگرام میں وزیر داخلہ 14ویں صدارتی انتخابات کے پہلے اور دوسرے مرحلے کے انعقاد کے عمل کے بارے میں رپورٹ پیش کریں گے اور پھر صدارتی فرمان پڑھا جائے گا جس کے بعد نو منتخب صدر مسعود پزشکیان تقریر کريں گے اور آخر میں رہبر انقلاب اسلامی آیت اللہ العظمی سید علی خامنہ ای خطاب کريں گے۔
اس تقریب میں 2500 سے زائد سول اور فوجی حکام، یونیورسٹی کے سربراہان اور اساتذہ ، مختلف تنظیموں کے نمائندے، کچھ شہداء کے اہل خانہ اور تہران میں مقیم بیرونی ممالک کے سفیر شرکت کریں گے۔
آپ کا تبصرہ