افغانستان کی نگراں حکومت کی وزارت خارجہ نے کابل میں ایرانی سفارتخانے کے نام ایک سرکاری خط میں ہرات کے زلزلہ زدہ علاقوں کی بروقت امداد پر اسلامی جمہوریہ ایران کا شکریہ ادا کیا ہے۔ یہ اسلامی اور انسانی اقدار پر ایران کے یقین کی علامت ہے۔
اس خط میں کہا گیا ہے کہ اسلامی جمہوریہ ایران کی امداد نہ صرف مشترکہ اسلامی، انسانی اور تہذیبی اقدار پر یقین کا اظہار کرتی ہے۔ بلکہ یہ ایران اور افغانستان کے تعلقات کے فروغ اور توسیع کی علامت ہے۔
افغانستان کی وزارت خارجہ نے اللہ تعالیٰ سے ایران کی عزت دار قوم اور حکومت کی خوشحالی کے لیے بھی دعا کی۔
ایران اب تک کئی مراحل میں 200 ارب ریال مالیت کی 450 ٹن امداد افغانستان کے زلزلہ سے متاثرہ افراد کے لیے بھیج چکا ہے، جسمیں تازہ ترین شپمنٹ 100 ارب ریال سے زیادہ مالیت کے 345 ٹن کا امدادی سامان ہے۔
افغان ذرائع کی جانب سے اعلان کردہ تازہ ترین اعدادوشمار کے مطابق ہفتے کے روز صوبہ ہرات میں آنے والے زلزلے کے نتیجے میں 4500 افراد ہلاک اور زخمی ہوئے۔
یہ 1998 کے بعد سے افغانستان میں آنے والا سب سے تباہ کن زلزلہ ہے
آپ کا تبصرہ