ایرانی پارلیمنٹ نے علی آبادی کو ایران کے نئے وزیر صنعت کے طور پر منظور کر لیا

منگل کو پارلیمنٹ کے کھلے اجلاس میں، ایرانی نمائندوں نے علی آبادی کی بطور وزیر صنعت تقرری کے حق میں 187 اور مخالفت میں 58 ووٹ ڈالے، جب کہ 8 قانون ساز غیر فیصلہ کن اور دو ووٹ مسترد کر دیے گئے۔
علی آبادی نے 15 سال سے زائد عرصے تک ایرانی توانائی اور انفراسٹرکچر گروپ MAPNA گروپ کے ڈائریکٹر جنرن کے طور پر خدمات انجام دیں۔
انہوں نے تہران کی خواجہ نصیرالدین طوسی یونیورسٹی آف ٹیکنالوجی سے مکینیکل انجینئرنگ میں پی ایچ ڈی کی ڈگری حاصل کی۔
ایران کے سابق وزیر صنعت، کان اور تجارت، رضا فاطمی امین کو پارلیمنٹ میں قانون سازوں کے اعتماد کا ووٹ حاصل کرنے میں ناکامی کے بعد ان کے عہدے سے برطرف کر دیا گیا تھا۔
ہمیں اس ٹوئٹر لینک پر فالو کیجئے @IRNA_Urdu