سعودی ٹیکنیکل وفد مشہد میں قونصل خانہ کھولے گا

سعودی وفد نے گزشتہ دنوں تہران میں اپنے سفارتی مقامات اور سفارت خانے کا دورہ کیا اور جمعہ کو صوبے خراسان رضوی کے شہر مشہد مقدس کا سفر کیا۔
سعودی وفد کے سربراہ ناصر بن عوض آل غنوم نے مشہد میں ایرانی وزارت خارجہ کے حکام کا پرتپاک استقبال کرنے پر انہیں سراہا۔
سعودی عہدیدار نے امید ظاہر کی کہ ریاض اور تہران کے درمیان تعلقات کی بحالی سے علاقائی ممالک کے درمیان تعاون مزید بڑھے گا اور خطے میں خوشحالی آئے گی۔
گزشتہ دنوں ایران اور سعودی عرب نے اپنے سفارتی مشن دوبارہ کھولنے کے عمل کا جائزہ لینے کے لیے وفود کا تبادلہ کیا۔
10 مارچ کو چین، ایران اور سعودی عرب نے بیجنگ میں ایک مشترکہ بیان جاری کرتے ہوئے اعلان کیا کہ تہران اور ریاض سات سال کی کشیدگی کے بعد اپنے سفارتی تعلقات دوبارہ شروع کریں گے۔
ہمیں اس ٹوئٹر لینک پر فالو کیجئے @IRNA_Urdu