اسلامی جمہوریہ ایران کے وزیر خارجہ حسین امیرعبداللہیان نے بغداد کے سرکاری دورے کے تسلسل میں بدھ 22 فروری کو عراقی صدارتی محل میں عراق کے صدر عبداللطیف رشید سے ملاقات کی۔
اس ملاقات میں ایرانی وزیر خارجہ نے ایران اور عراق کے درمیان دوطرفہ تعلقات کو فروغ دینے کی ضرورت پر زور دیا۔
انہوں نے انہوں نے ایران اور عراق کے تعلقات کو صرف دو حکومتوں کے تعلقات تک محدود نہیں سمجھا اور دونوں ممالک کے درمیان گہرے اور قریبی تعلقات کو دونوں قوموں کے درمیان تعلقات کا ایک اور پہلو قرار دیا۔
اس ملاقات میں فریقین نے بینکی، سرحدوں کی حفاظت، ایرانی کمپنیوں کی سرگرمیاں اور اروند کی ڈریجنگ کے مسئلے پر بھی گفتگو کی۔
اس موقع پر عبداللطیف رشید نے ایرانی صدر آیت اللہ رئیسی کی دعوت پر شکریہ ادا کرتے ہوئے ایران اور عراق کے درمیان تعلقات کو جامع اور گہرا قرار دیا اور ایران کے ساتھ کثیر الجہتی تعلقات کے فروغ کیلیے اپنے ملک کے عزم پر زور دیا۔
قابل ذکر ہے کہ ایرانی وزیر خارجہ نے آج کی صبح ایک وفد کی قیادت میں عراقی دارلحکومت بغداد کا دورہ کیا ہے۔
آپ کا تبصرہ