ارنا رپورٹ کے مطابق، صوبے سندھ کے نئے حکمران "کامران تسوری" نے آج بروز جمعہ کو کراچی میں تعینات ایرانی قونصلر "حسن نوریان" کی میزبانی کی۔
اس ملاقات میں فریقین نے دونوں ممالک کے درمیان تعلقات سے متعلق تازہ ترین تبدیلوں پر تبادلہ خیال کیا جس میں صوبائی تعاون اور اعلی سطحی ایرانی اقتصادی و تجارتی وفد کے حالیہ دورہ کراچی کی کامیابیوں اور دونوں ممالک کی مشترکہ تجارتی کونسل کے پہلے اجلاس کے انعقاد پر تبادلہ خیال کیا گیا۔
اس ملاقات میں دونوں ممالک کی باہمی ضروریات کو پورا کرنے کے لیے ایران اور پاکستان کی سرحدی منڈیوں کو بڑے پیمانے پر ترقی دینے پر بات چیت کی گئی۔
در این اثنا صوبے سندھ کے گورنر نے ایران پاکستان تعلقات کے بڑھتے ہوئے رجحان اور خاص طور پر صوبائی سطح پر وفود کے تبادلے کی اہمیت پر اطمینان کا اظہار کرتے ہوئے دوطرفہ تجارتی اور اقتصادی تعلقات کو فروغ دینے کے لیے موثر اقدامات کرنے کی ضرورت پر زور دیا۔
انہوں نے پاکستان کے صوبے سندھ کے مختلف علاقوں میں ایرانی سرمایہ کاری کمپنیوں کی شرکت کی اہمیت کو بیان کرتے ہوئے مزید کہا کہ ریاستی حکومت ایران کے نجی شعبوں کی جانب سے سرمایہ کاری کی سہولت فراہم کرنے کے لیے تیار ہے کیونکہ اس شراکت داری سے صوبے سندھ میں روزگار کے نئے مواقع پیدا ہوں گے۔
ہمیں اس ٹوئٹر لینک پر فالو کیجئے @IRNA_Urdu
آپ کا تبصرہ