ناصر کنعانی نے اتوار کے روز پیرس امن فورم کے موقع پر فرانس کے صدر میکرون کی ایران مخالف شخصیت اور ان کے ساتھیوں سے ملاقات کی مذمت کرتے ہوئے کہا کہ حیرت کی بات ہے کہ آزادی کا دعویٰ کرنے والے ملک کا صدر اپنے آپ کو پست اور حقیر کرتے ہوئے ایک ایسی نفرت انگیز شخصیت جس نے حالیہ مہینوں میں واضح طور پر بیرون ملک اسلامی جمہوریہ ایران کے حکام اور سفارتی مقامات کے خلاف پرتشدد اور دہشت گردانہ کارروائیوں کی کوشش کی ہے۔ کے ساتھ ملاقات کرتا ہے۔
ایرانی وزارت خارجہ کے ترجمان نے نام نہاد انقلاب جس کے سربراہ ایسے لوگ ہیں، کی حمایت کیلیے میکرون کے بیانات پر شدید احتجاج کرتے ہوئے کہا کہ ان بیانات باعث ندامت اور شرمندگی ہیں۔
کنعانی نے کہا کہ یہ ملاقات دہشتگردی اور تشدد سے نمٹنے کیلیے فرانس کی بین الاقوامی ذمہ داریوں کی کھلی خلاف ورزی ہے اور ایسے مذموم واقعات کو فروغ دیتی ہے۔
انہوں نے کہا کہ بلاشبہ ایرانی عظیم عوام ایسے ایران مخالف اقدامات کو فراموش نہیں کریں گے۔
آپ کا تبصرہ