ابوحمزہ نے کہا کہ طوفان الاقصی اور اس کے بعد پیش آنے والے واقعات نے ثابت کردیا ہے کہ صیہونی قیدیوں کی واپسی کا واحد راستہ، جنگ بندی اور قیدیوں کے تبادلے پر غاصب اسرائیلیوں کا مکمل عمل درامد ہے۔
انہوں نے کہا کہ فلسطینی استقامت نے اپنی ذمہ داریاں بہترین طریقے سے انجام دیں تاہم دشمنوں نے اپنے قیدیوں کو خطرناک اور مبہم حالات میں اپنے حال پر چھوڑ دیا ہے۔
ابوحمزہ نے خبردار کیا کہ اسرائیلی قیدیوں کی تقدیر براہ راست نتن یاہو کے طرز عمل سے جڑی ہوئی ہے۔
سرایا القدس کے ترجمان نے زور دیکر کہا کہ اس وقت تک جنگ بندی کے معاہدے کے پابند رہیں گے جب تک دشمن بھی اپنی ذمہ داریاں پوری کرتا ہے۔
قابل ذکر ہے کہ حماس کے فوجی ونگ القسام بریگیڈ کے ترجمان ابوعبیدہ نے پیر کے روز اعلان کیا تھا کہ جب تک صیہونی حکومت معاہدے کی خلاف ورزی کرتے ہوئے غزہ تک خوراک اور ادویات پہنچنے نہیں دے گی تب تک اسرائیلی قیدیوں کا تبادلہ روک دیا جائے گا۔
آپ کا تبصرہ