ارنا کے مطابق پیرس پیرا لمپک 2024 کی افتتاحیہ تقریب بدھ کی رات فرانس کے صدرامانوئل میکرون اور دیگر شخصیات نیز فرانس کی پیرالمپک کمیٹی کے صدر کی شرکت سے شروع ہوئی۔
پیرالمپک 2024 کی افتتاحیہ تقریب کی پریڈ کسی اسٹیڈیم کے بجائے شہر کے اندر اور پیرس کے معروف دریائے سین) (Sein کے ساحل پرمشہور شانزا لیزے اوینو سے کانکرڈ اسکوائر تک منعقد ہوئی ۔
یہ پیرا لمپک کھیلوں کی تاریخ میں پہلی بار ہوا ہے کہ افتتاحیہ تقریب کسی اسٹیڈیم کے بجائے شہر کے اندر منعقد کی گئی ہے
پیرالمپک 2024 کی پروقار افتتتاحیہ تقریب میں ایران کے پیرالمپک کھلاڑیوں کی 65 رکنی ٹیم نے پریڈ کی ۔
پیرالمپک 2024 میں ایرانی کھلاڑی، ویٹ لفٹنگ، تیراکی، جوڈو،شوٹنگ اور تیراندازی سمیت دس مختلف کھیلوں میں حصہ لیں گے۔
پیرا لمپک 2024 میں ایران کی سب سے کمسن کھلاڑی، تائیکوانڈو کی قومی ٹیم کی رکن زہرا رحیمی ہیں جن کی عمر صرف پندرہ سال ہے اور 51 سال کے محمد رضا میرشفیعی سب سے سن رسیدہ کھلاڑی ہیں۔
پیرس پیرالمپک 2024 کی پریڈ میں جب فلسطینی کھلاڑیوں کی پریڈ کا اعلان کیا گیا تو تماش بینوں نے بہت ہی پرجوش اندازمیں اس کا استقبال کیا
پیرس پیرالمپک 2024 میں دنیا کے 184 ملکوں کے 4400 کھلاڑی حصہ لے رہے ہیں۔
ایرانی کھلاڑیوں کا کارواں "ایمان، ایثار اور افتخار" کے سلوگن کے ساتھ پیرالمپک 2024 میں حصہ لے رہا ہے۔
آپ کا تبصرہ