ارنا کے مطابق حماس کے فوجی بازو عزالدین القسام بریگیڈ نے اپنے بیان میں بتایا ہے کہ غیر فوجی فلسطینی شہریوں کے خلاف صیہونی دشمن کے وحشیانہ جرائم کے جواب میں مقبوضہ تل ابیب پر M90 نوعیت کے میزائل سے حملہ کیا گیا ہے۔
عبرانی زبان کے میڈیا ذرائع نے بھی تھوڑی دیر قبل اطلاع دی تھی کہ میزائل حملے کے بعد تل ابیب کے جنوبی علاقوں میں دھماکوں ک آوازیں سنی گئی ہیں ۔
صیہونی حکومت کی فوج نے بھی باضابطہ اعلان کیا ہے کہ جنوبی غزہ سے ایک میزائل تل ابیب پر داغا گیا ہے جو ریشون لتزیون علاقے پر گرا ہے ۔
عبرانی زبان کے روزنامے معاریو نے رپورٹ دی ہے کہ اسرائیلی حکومت کا ڈیفنس سسٹم اس میزائل کو تل ابیب تک پہنچنے سے روکنے میں ناکام رہا ہے ۔
آپ کا تبصرہ