ارنا نے یمن کے المسیرہ ٹی وی کے حوالے سے رپورٹ دی ہے کہ یمنی محکمہ صحت نے اعلان کیا ہے کہ دارالحکومت صنعا کے ہوائی اڈے، عمران سیمنٹ فیکٹری، عصر بجلی اسٹیشن اور حزیز پاور ہاؤس پر صیہونی حکومت کے جنگی طیاروں کے منگل کے حملوں میں 3 افراد شہید اور 35 زخمی ہوگئے۔
اسی سلسلے میں یمن کی شہری دفاع کی تنظیم نے بھی اعلان کیا ہے کہ خدا کی مدد سے امدادی دستے عصر بجلی اسٹیشن میں لگی بجھانے میں کامیاب ہوگئے ہیں۔
یمن کی شہری دفاع کی تنظیم نے بتایا ہے کہ صنعا انٹرنیشنل ایئر پورٹ میں بھی لگنے والی آگ نوے فیصد بجھا دی گئی ہے۔
اس رپورٹ کے مطابق ذہبان اسٹیشن میں 80 فیصد اور حزیز پاور اسٹیشن ميں ساٹھ فیصد آگ بجھائی جاچکی ہے۔
اس تنظیم کے مطابق شہری دفاع کی تنظیم کے امدادی دستے دیگر گروہوں کے ساتھ مل کر مختلف علاقوں میں امدادی کارروائیوں اور آگ بجھانے میں مصروف ہیں
قابل ذکر ہے کہ صیہونی حکومت نے منگل کی شام یمن کے دارالحکومت صنعا کے بین الاقوامی ہوائی اڈے سمیت مختلف علاقوں پر بمباری کی ہے۔
صیہونی ذرائع کا کہنا ہے کہ اسرائیلی جنگی طیاروں نے صنعا ایئر پورٹ پر 15 فضائی حملے کئے ہیں۔
آپ کا تبصرہ