صہیونی اخبار "Haaretz" نے اپنی ایک رپورٹ میں اسرائیل کی غاصب حکومت کے ائیر ڈیفنس سسٹم کو چیلنج کرنے میں حزب اللہ کی کامیابی کا حوالہ دیا ہے اور کہا ہے کہ اسرائیلی ائیر ڈیفنس سسٹم حزب اللہ کے ڈرونز جو تقریباً ہر روز کاروائی کر رہے ہیں، سے پوری طرح نمٹ نہیں سکتا۔
اس رپورٹ میں فوجی امور کے رپورٹر Inyo Kubovic نے اس بات پر زور دیا کہ صیہونی فوج کو حزب اللہ کے ڈرونز کے خطرے سے نمٹنے کے لیے کوئی راستہ نہیں مل رہا۔
انہوں نے کہا کہ لبنان کی حزب اللہ کے ڈرونز نے شمال میں بڑی تباہی مچائی ہے اور دسیوں ہزار صیہونی آبادکاروں کے ذہنوں میں تحفظ کے احساس کو ختم کر دیا ہے اور وہ اپنے شہروں کو واپس جانے سے خوفزدہ ہیں۔
اس بات کی طرف اشارہ کرتے ہوئے کہ حزب اللہ کے ڈرونز نے "منظم فوج کے ساتھ ایک فوجی تنظیم" کے جنگی ڈھانچے میں ایک نئی مساوات پیدا کر دی ہے، اس بات پر زور دیا کہ حزب اللہ جدید ٹیکنالوجی، درست ہتھیاروں اور بہترین انٹیلیجنس جیسی صلاحیتوں کے ساتھ ایک ہوشیار فوجی گروپ ہے جو اسرائیل کے فوجی اور اہم انفراسٹرکچر کے لیے خطرہ بن گئی ہے۔
اس صہیونی اخبار نے اعتراف کیا کہ حزب اللہ کے ڈرونز جیسے درست ہتھیاروں کے حصول نے اسرائیل کو اس کی کلاسیکی دفاعی صلاحیتوں (علاقائی دفاع، جغرافیائی اور اسٹریٹجک گہرائی) سے محروم کر دیا ہے۔
ہاریٹز نے مزید کہا کہ حزب اللہ کی موجودہ صلاحیتوں نے تل ابیب کے دشمنوں کے خلاف اسرائیل کی اسٹریٹجک طاقت کا توازن کمزور کر دیا ہے۔
آپ کا تبصرہ