پاکستان کے سرکاری ذرائع کے حوالے سے ارنا کی رپورٹ کے مطابق، صدر عارف علوی نے اسلامی مقدسات کی توہین کے قوانین میں ترمیمی بل کی منظوری نہیں دی، جسے پاکستان کے مختلف مسالک کے وسیع احتجاج کے باوجود گزشتہ ماہ قومی اسمبلی اور سینیٹ میں منظور کیا گیا تھا۔
پاکستان کی پارلیمنٹ کے منظور شدہ ہر بل اور قانون کو لاگو کرنے کے لیے صدر کی منظوری کی ضرورت ہوتی ہے۔
پچھلے دنوں صدر پاکستان نے ایک بیان جاری کیا تھا جس میں کہا گیا تھا کہ مقدسات کی توہین کے قانون سمیت کچھ منظور شدہ بلوں کو نظرثانی کے لیے پارلیمنٹ کو واپس بھیج دیا گيا ہے۔
قانون کے مطابق اب پاکستان میں آئندہ انتخابات کے بعد بننے والی قومی اسمبلی ان بلوں پر نظر ثانی کرے گی۔ پاکستان میں عام اتنخابات رواں برس اکتوبر میں متوقع ہیں۔
پاکستان کی شیعہ تنظیمیں اور جماعتیں مذکورہ بل کو منسوخ کرنے کا مطالبہ کر رہی ہیں اور ان کا کہنا ہے کہ تعزیراتی قوانین میں کسی بھی ترمیم پر اس ملک میں اسلامی نظریاتی کونسل سمیت متعلقہ اداروں میں غور کیا جائے۔
آپ کا تبصرہ