اسلامی جمہوریہ ایران حسین امیر عبداللہیان نے گزشتہ رات اپنے ترک ہم منصب ہاکان فیدان کےساتھ ایک ٹیلی فونک رابطے میں دونوں ملکوں کے درمیان قریبی تعاون کے فروغ پر تاکید کی۔
انہوں نے ہاکان فیدان کی تقرری پر مبارکباد پیش کرتے ہوئے امید ظاہر کی کہ نئے دور میں دونوں ممالک کے درمیان قریبی تعاون میں بہتری آئے گی۔
ایرانی وزیر خارجہ نے اپنے ترک ہم منصب کو ایران کے دورے کی دعوت دیتے ہوئے دوطرفہ تعلقات کی توسیع کے پروگرام کو تیز کرنے کی ضرورت پر زور دیا۔
ترکی کے وزیر خارجہ نے امیر عبداللہیان کے مبارکبادی پیغام پر اظہار تشکر کرتے ہوئے ایران اور ترکی کے درمیان دوطرفہ تعلقات میں مذاکرات کے تسلسل اور اچھے تعاون کی اہمیت کا حوالہ دیتے ہوئے دونوں ممالک کے درمیان تعلقات کی ترقی کے لیے اپنی تیاری کا اظہار کیا۔
ہاکان فیدان نے کہا کہ وہ جلد از جلد تہران کا سفر کریں گے۔
انہوں نے ترک صدر کی حلف برداری تقریب میں سنیئر نائب ایرانی صدر محمد مخبر کی شرکت پر شکریہ ادا کیا۔
ارنا کے مطابق ترک صدر رجب طیب اردوغان کی حلف برداری تقریب ہفتہ کے روز منعقد ہوئی جس کے بعد اردوغان نے ترکی کی نئی کابینہ کے ارکان کا اعلان کیا۔
اس تقریب میں ہاکان فیدان بھی وزیر خارجہ کے طور پر منتخب ہوگئے جس سے پہلے مولود چاووش اوغلو اس عہدے پر فائز تھے۔
آپ کا تبصرہ