بیجنگ میں شمخانی اور ان کے سعودی ہم منصب کے درمیان کئی دنوں تک جاری رہنے والے گفت و شنید کے بعد جمعہ کو ایک معاہدہ طے پایا جس کا مقصد دونوں ممالک کے درمیان تعلقات کو بحال کرنا ہے۔
اس دوران اسلامی جمہوریہ ایران، سعودی عرب اور چین کی جانب سے جمعہ کو ایک سرکاری تقریب میں مشترکہ بیان جاری کیا گیا۔
تینوں ممالک کے مشترکہ بیان کے مطابق ایران اور سعودی عرب نے دو ماہ کے اندر سفارتی تعلقات بحال کرنے اور دونوں ممالک میں سفارت خانے اور ایجنسیاں دوبارہ کھولنے پر اتفاق کیا ہے۔
دونوں ممالک کے وزرائے خارجہ اس فیصلے پر عملدرآمد اور سفیروں کے تبادلے کے لیے ضروری انتظامات کرنے کے لیے بات چیت کریں گے۔
دونوں ممالک نے خودمختاری کے احترام اور ایک دوسرے کے اندرونی معاملات میں عدم مداخلت پر زور دیتے ہوئے، 17 اپریل 2001 کو طے پانے والے سیکیورٹی تعاون کے معاہدے پر عمل درآمد کرنے پر اتفاق کیا اور 27 مئی 1998 کو طے پانے والے عام معاہدے پر اتفاق کیا، جس کا مقصد اقتصادی، تجارتی، سرمایہ کاری، تکنیکی، سائنسی، ثقافتی، کھیلوں اور نوجوانوں کے میدان میں تعلقات کو فروغ دینا تھا۔
تینوں ممالک نے علاقائی اور بین الاقوامی امن و سلامتی کے استحکام کے لیے ہر ممکن کوشش کرنے کے پختہ عزم کا اظہار کیا۔
ہمیں اس ٹوئٹر لینک پر فالو کیجئے @IRNA_Urdu
آپ کا تبصرہ