آرمینیا اور آذربائیجان میں غیر ملکیوں کی موجودگی کی مخالفت کرتے ہیں: امیرعبداللہیان

یہ بات حسین امیرعبداللہیان نے جمعرات کے روز آرمینیا پہنچنے کے موقع پر صحافیوں کے ساتھ گفتگو کرتے ہوئے کہی۔
انہوں نے کہا کہ آرمینیا کے وزیر خارجہ کی سرکاری دعوت پر یریوان میں ہیں اور ہم مشترکہ علاقائی تعاون کے علاوہ باہمی اسٹریٹجک دلچسپی کے امور کا جائزہ کریں گے۔
امیرعبداللہیان نے اسلامی جمہوریہ ایران اور آرمینیا کو دو ایسے ممالک قرار دیتے ہوئے کہ جن کے درمیان تعاون کی بہت سی بنیادیں ہیں اور خطے میں مشترکہ خدشات بھی ہیں۔
انہوں نے اس بات پر زور دیا کہ اس سفر میں حل تلاش کرنے کے لیے کام کر رہے ہیں اور دونوں ریاستوں کے درمیان طویل مدتی تعاون کا راستہ نکالنا چاہتے ہیں۔
ایرانی وزیر خارجہ نے ایران اور آرمینیا کے درمیان طویل مدتی تعاون کی دستاویزات کا حوالہ دیتے ہوئے اس بات کا اعادہ کیا کہ ایران اس خطے میں غیر ملکیوں کی موجودگی کی مخالفت کرتا ہے خواہ آذربائیجان ہو یا آرمینیا۔
انہوں نے صدر ابراہیم رئیسی کی گزشتہ سال کے دوران ہمسایہ ممالک کے ساتھ تعلقات کو مضبوط بنانے کی پالیسی کی طرف اشارہ کرتے ہوئے کہا کہ تہران اور یریوان کے درمیان تجارتی تبادلے کے حجم میں گزشتہ سال کے مقابلے میں 43.5 فیصد سے زیادہ اضافہ ہوا ہے اور امید ظاہر کی کہ دونوں ریاستوں کے درمیان تبادلے میں مزید اضافہ ہو گا۔
ہمیں اس ٹوئٹر لینک پر فالو کیجئے @IRNA_Urdu