ارنا کے مطابق یہ جھیل تقریبا پانچ ہیکٹر رقبے پر پھیلی ہوئی ہے اور تقریبا 60 میٹر کی گہرائی میں، دریائے "نازلو چائے" سے متصل ہے جو "بایبون و ستارہ لوند"پہاڑیوں سے نکلتا ہے۔
اس کا پانی اتنا شفاف اور زلا ل ہے کہ قدرتی حسن کے دلداہ وشیدا افراد اور سیاح اس کی طرف کھنچے چلے آتے ہیں۔
قدرت کی اس شاہکار جھیل کے کنارے صنوبر بلوط اور اخروٹ کے درخت ہیں جنہوں نے اس کا حسن دوبالا کردیا ہے۔
اس کے علاوہ یہ جھیل میں انواع و اقسام کے آبی حیات کا خزانہ اور مچھلیوں کا مسکن ہے جس کے کنارے مہاجر پرندے بسیرا لیتے ہیں۔
مارمیشو جھیل صوبہ مغربی آذربائیجان کے صدر مقام ارومیہ سے 45 کلومیٹر مغرب میں ایران اور ترکیہ کی سرحد کے قریب واقع ہے۔
یہ جھیل ایک کوہستانی درے ميں واقع ہے اور بعض لوگوں کا خیال ہے کہ اس کا نام ارومیہ کے آشوری عیسائیوں کے رہبر مارشیمون بنیامین سے ماخوذ ہے۔
مارمیشو نام دو الفاظ سے بنایا گیا ہے ایک مار جس کا مطلب حضرت ہے اور دوسرا لفظ شیمون ہے۔
اس نام سے آشوری عیسائیوں کے رہبر مارشیمون بنیامن کی طرف اشارہ ملتا ہے جنہوں نے پہلی جنگ عظیم کے بعد اپنے پیروکاروں کے ہمراہ ارومیہ میں پناہ لی اور اس علاقے میں سکونت اختیار کی۔
آپ کا تبصرہ