اسماعیل بقائی نے کہا کہ یوکرین کے تنازعے میں اسلامی جمہوریہ ایران کا کوئی کردار نہیں اور تہران نے ہمیشہ جنگ کی مخالفت کی ہے اور تنازعوں کو مذاکرات اور گفتگو کے ذریعے ختم کرنے پر زور بھی دیا ہے۔
ترجمان وزارت خارجہ نے یوکرین کے خلاف ایرانی ہتھیاروں کے استعمال پر مبنی فرانس کے صدر امانوئل میکرون کے دعووں کو مسترد کرتے ہوئے کہا کہ یہ الزامات بے بنیاد، غلط بیانی پر مبنی اور غیرذمہ دارانہ ہیں جن سے واضح ہوجاتا ہے کہ فرانسیسی حکام قیام امن کے سلسلے میں سنجیدہ نہیں ہیں۔
انہوں نے کہا کہ ایران پر الزامات بغیر کسی ٹھوس ثبوت کے گذشتہ تین سال سے دوہرائے جا رہے ہیں لہذا فرانس کی قیادت کو چاہیے کہ علاقائی اور بین الاقوامی امن و استحکام کو متاثر کرنے میں اپنی ذمہ داری قبول اور اس کے اصلاح کی کوشش کرے۔
آپ کا تبصرہ