ذوالفقار فوجی مشقوں کے ترجمان جنرل علی رضا شیخ نے کہا کہ یاک جیٹ فائٹر کو پہلی بار اپنی فوجی مشقوں میں شامل کیا ہے۔
انہوں نے کہا کہ مشقوں کے دوران یاک 130 فائٹر نے دو مگ-29 جنگی طیاروں کے ساتھ مل کر فرضی دشمن کے ڈرون طیارے کو تباہ کیا۔
جنرل علی رضا شیخ نے کہا کہ مگ-29 کے پائلٹس نے شاندار مہارت کا مظاہرہ کرتے ہوئے ڈرون طیارے کی نشاندہی کی اور پھر یاک-130 جیٹ فائٹر نے اپنے ترقی یافتہ میزائلوں سے اسے تباہ کردیا۔
انہوں نے کہا کہ ایران کی فضائیہ پیچیدہ ترین جنگوں کے لیے مکمل طور پر تیار ہے۔
ذوالفقار فوجی مشقوں کے ترجمان نے کہا کہ فضائیہ سمیت مسلح افواج روز بروز اپنی طاقت اور وسائل میں اضافہ کر رہی ہیں اور ہر طرح کے فضائی خطروں کے مقابلے کی مکمل آمادگی رکھتی ہیں۔
انہوں نے کہا کہ یاک جیٹ فائٹر نے جس کارکردگی کا مظاہرہ کیا، اس سے ہمارے پائلٹس کی مہارت اور دشمن کے مقابلے کے لیے اسلامی جمہوریہ ایران کی مسلح افواج کی تیاری کا اندازہ کیا جاسکتا ہے۔
آپ کا تبصرہ