ارنا کے مطابق مشرق وسطی اور شمالی افریقا کے لئے سوئزرلینڈ کے نمائندہ خصوصی وولفگانگ امادؤس برولہارٹ نے مسقط میں بحر ہند کے ساحلی ملکوں کے اجلاس کے موقع پر اسلامی جمہوریہ ایران کے وزير خارجہ سے ملاقات کی ۔
وزیر خارجہ سید عباس عراقچی نے اس ملاقات میں ایرانی مفادات کے نگراں کی حیثیت سے سوئزرلینڈ کی کوششوں کی قدردانی کی اور علاقے میں امن و ثبات کی تقویت میں اس کے تعاون کو اہم قرار دیا۔
انھوں نے سیاسی مشاورت کےلئے تہران میں مجوزہ ایران اور سوئزرلینڈ کی نشست کا خیر مقدم کرتے ہوئے کہا کہ ہم دونوں ملکوں کے درمیان مذاکرات اور تعاون جاری رہنے کے خواہاں ہیں۔
سید عباس عراقچی نے اسی طرح یورپی ٹرائیکا کے ساتھ تین دور کے مذاکرات کی طرف اشارہ کرتے ہوئے کہا کہ اسلامی جمہوریہ ایران تین یورپی ملکوں کے ساتھ مذآکرات جاری رکھنے کے لئے تیار ہے لیکن دھمکی کی زبان قبول نہيں کرتا اور اس کے خلاف حد اکثر دباؤ کی پالیسی ناکام رہے گی۔
مشرق وسطی اور شمالی افریقا کے لئے سوئزر لینڈ کے نمائندے وولفگانگ امادؤس برولہارٹ نے امن عالم کے لئے اپنے ملک کی مساعی کا ذکر کرتے ہوئے مغربی ایشیا میں ایران کے موثر کردار پر زور دیا ۔
قابل ذکر ہے کہ مشرق وسطی اور شمالی افریقا کے لئے سوئزرلینڈ کے نمائندہ خصوصی وولفگانگ امادؤس برولہارٹ نے مسقط ميں بحر ہند کے ساحلی ملکوں کے اجلاس کے موقع پر پیر کی شام ایران کے وزیر خارجہ سید عباس عراقچی سے ملاقات کی تھی۔
آپ کا تبصرہ