ارنا کے مطابق بعض خبری ذرائع نے بتایا ہے کہ ان دھماکوں میں103افراد شہید اور 141 زخمی ہوگئے ہیں۔
پہلا دھماکہ شہید جنرل سلیمانی کے مزار سے 700 میٹر کے فاصلے پر اور دوسرا ایک کلومیٹر کے فاصلے پر ہوا ہے۔
یہ دھماکہ ایسی حالت میں ہوا ہے کہ شہید جنرل قاسم سلیمانی کی برسی کی مناسبت سے بڑی تعداد میں لوگ گلزار شہدا میں موجود تھے اور جبکہ کچھ لوگ گلزار شہدا کی طرف جارہے تھے۔
کرمان کی ایمرجنسی سروسز کے ڈائریکٹر نے بتایا ہے کہ اب تک دسیوں زخمیوں کو اسپتال پہنچایا جاچکا ہے۔
کرمان کے ڈپٹی گورنرنے نے کہا ہے کہ ابھی یہ نہیں معلوم ہوسکا ہے کہ یہ دھماکہ گیس کا تھا یہ دہشت گردانہ حملہ تھا۔
ارنا کے نامہ نگار نے بتایا ہے کہ کچھ دیر پہلے، پہلے دھماکے کی جگہ کے نزدیک ہی دوسرے دھماکے کی آواز بھی سنی گئی ہے۔
آپ کا تبصرہ