ترجمان وزارت خارجہ ناصر کنعانی نے مراکش میں عرب روس تعاون اسمبلی کے چھٹے اجلاس میں بیان میں ایران کے تینوں جزائر کے بارے میں کئے جانے والے دعوؤں کی جمعرات کو تردید اور مذمت کی۔
ناصر کنعانی نے کہا: ایران کے ابو موسی، تنب بزرگ اور تنب کوچک جزائر جو خلیج فارس ميں واقع ہیں ، ہمیشہ سے ایران کی ملکیت رہے ہيں اور یہ تینوں جزائر اسلامی جمہوریہ ایران سے کبھی نہ جدا ہونے والے حصے ہيں۔
ترجمان وزارت خارجہ نے کہا: اسلامی جمہوریہ ایران، اپنی ارضی سالمیت اور ان تینوں جزائر پر اپنے حق کو ایسا موضوع نہيں سمجھتا جس پر بات چیت کی جا سکے اور اس سلسلے میں ہر فریق کی جانب سے کئے جانے والے ہر دعوے کو مسترد سمجھتا ہے اور کسی بھی صورت میں وہ اپنے حق سے پيچھے نہیں ہٹنے والا۔
انہوں نے اچھے پڑوس اور پڑوسیوں کے ساتھ باہمی احترام پر مبنی تعلقات پر زور دیتے ہوئے کہا: اسلامی جمہوریہ ایران اپنے تمام جنوبی و شمالی پڑوسیوں سے مطالبہ کرتا ہے کہ وہ دو طرفہ اور علاقائی گنجائشوں کے پیش نظر باہمی تعلقات میں استحکام کی سمت قدم بڑھائيں اور کچھ بے بنیاد دعوؤں کو بار بار دوہرانے سے بچيں۔
کنعانی نے زور دیا: ارضی سالمیت کے تحفظ میں ذرہ برابر تذبذب نہیں کرے گا۔
آپ کا تبصرہ