تہران۔ارنا۔ قطر کے وزیر مملکت براۓ امور خارجہ محمد الخلیفی سے بات چیت کرتے ہوئے ایران کے نائب وزیر خارجہ علی باقری کنی کا کہنا تھا کہ سوئيڈن اور ڈینمارک کو چاہیے کہ اس قسم کی ثقافتی بربریت سے خود کو نجات دلائيں۔
انہوں نے کہا کہ قرآن پاک کی توہین دنیا کے 2 ارب سے زائد مسلمانوں کے بنیادی حقوق کی پامالی کے زمرے میں آتی ہے۔
علی باقری کنی نے کہا کہ یورپ میں بار بار اس گھناونے جرم کا ارتکاب انسانی حقوق کے دعویداروں کے ہاتھوں انسانی حقوق کی پامالی کا کھلا ثبوت ہے۔
انہوں نے مسلم ملکوں اور عالم اسلام پر زور دیا کہ وہ متحدہ ہوکر اس بربریت کا مقابلہ کریں۔
ایران اور قطر کے اعلی سفارتی عہدیداروں نے اس ملاقات میں قرآن پاک کی بے حرمتی کے واقعات کی روک تھام کے لیے مسلم امہ کے اجتماعی اقدامات کی ضرورت پر بھی زور دیا۔
آپ کا تبصرہ