اسلام آباد- ارنا- پاکستانی میڈیا نے افغانستان کی وزارت خارجہ کے حوالے سے بتایا ہے کہ آصف علی خان درانی تین روزہ سرکاری دورے پر بدھ کو کابل پہنچے ہیں جہاں انہوں نے نگراں وزیر خارجہ امیر خان متقی سے ملاقات کی۔
اس رپورٹ کے مطابق، افغانستان کے امور میں وزیر اعظم پاکستان کے خصوصی نمائندے نے امیر خان متقی سے ملاقات کے دوران دونوں ممالک کے درمیان سیکورٹی تعاون کو مزید مضبوط بنانے کی ضرورت پر زور دیا۔
انہوں نے یہ بھی کہا کہ پاکستان تجارتی، اقتصادی، سیاسی اور دیگر شعبوں میں دوطرفہ تعاون بڑھانے کی غرض سے خصوصی میکنیزم قائم کرنے کے لیے تیار ہے۔
افغانستان کی عبوری طالبان انتظامیہ کے وزیر خارجہ نے اس موقع پر کہا کہ ہم اپنی سرزمین کو دوسرے ممالک کے خلاف استعمال نہیں ہونے دیں گے۔
آپ کا تبصرہ