تہران- ارنا- وزیر خارجہ حسین امیرعبداللہیان اور کینیا کے وزیر خارجہ الفریڈ موتوا کے درمیان منگل کے روز ہونے والے بات چیت میں طرفہ تعلقات کی تازہ ترین صورتحال کے علاوہ صدر سید ابراہیم رئیسی کے مجوزہ دورہ کینیا کے بارے میں تبادلہ خیال کیا گیا۔
وزیر خارجہ حسین امیر عبداللھیان نے کہا کہ براعظم افریقہ کوایران کی خارجہ پالیسی میں خاص اہمیت حاصل ہے۔ انہوں نے کہا کہ اسلامی جمہوریہ ایران کینیا سمیت افریقی ممالک کے ساتھ اپنے تعلقات کو متوازن اور جامع انداز میں آگے بڑھانے کی کوشش کر رہا ہے۔
کینیا کے وزیر خارجہ نےاس بات پر خوشی کا اظہار کیا کہ صدر ایران کا سہ ملکی دورہ افریقہ کینا سے شروع ہوگا۔ انہوں نے حکومت نيروبی کی جانب سے اسلامی جمہوریہ ایران کے ساتھ مختلف شعبوں میں تعلقات کو وسعت دینے کے لیے آمادگی کا اعلان کیا۔
واضح رہے کہ طے شدہ پروگرام کے مطابق صدر ایران سید ابراہیم رئیسی مشرقی افریقہ کے تین ملکوں کینیا، یوگنڈا اور زمبابوے کا دورہ کرنے والے ہیں۔
آپ کا تبصرہ