ایرانی صدر انڈونیشیا کے دورے کے بعد وطن واپس پہنچ گئے

تہران کے مہرآباد ہوائی اڈے پر کابینہ کے متعدد عہدیداروں نے علامہ سید ابراہیم رئیسی کا استقبال کیا۔
ایرانی صدر نے انڈونیشیا کے دورے کے دوران وزیر خارجہ حسین امیرعبداللہیان سمیت کابینہ کے کئی ارکان اور وزراء پر مشتمل ایک اعلیٰ سطحی وفد کی سربراہی کی۔
وہاں ایرانی اور انڈونیشی حکام نے گیارہ دستاویزات پر دستخط کیے جن کا مقصد توانائی سمیت مختلف شعبوں میں باہمی تعاون کو وسعت دینا ہے۔
یہ دورہ ایران اور انڈونیشیا کے درمیان 17 سالوں میں پہلا صدارتی دورہ تھا۔ اگست 2021 میں اقتدار سنبھالنے کے بعد صدر رئیسی کا یہ 12 واں غیر ملکی دورہ بھی تھا۔
ہمیں اس ٹوئٹر لینک پر فالو کیجئے @IRNA_Urdu