یہ بات حسین امیرعبداللہیان نے بدھ کے روز مسقط میں سلطنت عمان کے شاہی دفتر کے وزیر سلطان بن محمد النعمانی سے ملاقات میں کہی۔
انہوں نے کہا کہ ایران اور عمان کے درمیان وفود کے تبادلے سے تعلقات کو مزید فعال بنانے اور باہمی تعاون کو فروغ دینے کی مناسبت سے دوطرفہ صلاحیتوں سے فائدہ اٹھانے کی راہ ہموار ہوگی۔
امیرعبداللہیان نے ایران اور سعودی عرب کے درمیان تعلقات کو آسان بنانے میں عمان کے کردار اور علاقائی اور بین الاقوامی مذاکرات میں سہولت فراہم کرنے کی کوششوں کا ذکر کرتے ہوئے علاقائی مذاکرات میں سہولت فراہم کرنے میں عمان کی کوششوں کو سراہا۔
انہوں نے کہا کہ ایرانی 13ویں حکومت کی پڑوسی پالیسی کے فریم ورک میں سعودی عرب کے ساتھ تعلقات کو معمول پر لانے کا خیرمقدم کرتا ہے اور اچھی ہمسائیگی کے اصول کا احترام کرتا ہے۔
انہوں نے ایران کی منفرد جغرافیائی سیاسی پوزیشن کو بھی ایران کے راستے ٹرانزٹ کا بہترین موقع قرار دیا۔
دریں اثنا، محمد النعمانی نے ایران کے ساتھ تعاون کی ترقی پر زور دیا۔
انہوں نے دونوں ممالک کے درمیان تعلقات کی موجودہ صورتحال پر اطمینان کا اظہار کرتے ہوئے اعلیٰ سطح حکام کی مرضی کی بنیاد پر مختلف جہتوں میں تعاون کو مضبوط بنانے کی ضرورت پر زور دیا۔
انہوں نے اسلامی جمہوریہ ایران اور سعودی عرب کے درمیان حالیہ معاہدے کو خطے کے لیے امن کا ذریعہ قرار دیتے ہوئے اس امید کا اظہار کیا کہ تمام انسانی توانائیاں، وسائل اور سائنسی اور تکنیکی صلاحیتوں کو خطے کی ترقی کے لیے استعمال کیا جائے گا۔
ہمیں اس ٹوئٹر لینک پر فالو کیجئے @IRNA_Urdu
آپ کا تبصرہ