ایران سعودی معاہدہ علاقائی تعاون کو فروغ دینے کا نقطہ آغاز ہے: قالیباف

یہ بات محمد باقر قالیباف نے اتوار کے روز پارلیمنٹ کے کھلے اجلاس کے آغاز سے قبل اپنے خطاب میں کہی۔
انہوں نے کہا کہ اسلامی جمہوریہ ایران کی پالیسی یہ ہے کہ خطے اور خلیج فارس میں غیر ملکی مداخلت کے بغیر استحکام اور سلامتی کو برقرار رکھا جائے اور یہ معاہدہ نے ظاہر کیا ہے کہ خطے میں تصادم کی اصل وجہ یہی قوتیں ہیں۔
قالیباف نے کہا کہ دو اہم اور ہمسایہ ممالک کے درمیان تعلقات کی بحالی سے یہ امید پیدا ہوئی ہے کہ یہ معاہدہ دونوں ملکوں کے درمیان سیاسی اور اقتصادی تعاون کی ترقی کا آغاز ہو گا، کیونکہ یہ دونوں ملکوں اور خطے کے تمام ممالک کے مفاد میں ہے۔
انہوں نے اس تناظر میں اپنی تقریر کو جاری رکھتے ہوئے اس بات پر زور دیا کہ اس تعاون کی ترقی کی پیشگی شرط اچھی ہمسائیگی کی پابندی اور باہمی اعتماد پیدا کرنا ہے۔
انہوں نے اس امید کا اظہار کیا کہ سعودی عرب اسلام دشمن ناجائز صیہونی ریاست کے حوالے سے احتیاط سے کام لے گا۔
انہوں نے چین، عمان اور عراق سمیت ان مذاکرات میں مناسب کردار ادا کرنے والے ممالک کا شکریہ ادا کیا۔
ہمیں اس ٹوئٹر لینک پر فالو کیجئے @IRNA_Urdu