ریاست ورجینیا کے شہر چیسپیک میں مقامی حکام کے مطابق منگل کی رات مقامی وقت کے مطابق وال مارٹ اسٹور چین کی مقامی شاخ میں ایک مسلح شخص کی فائرنگ سے کم از کم سات افراد ہلاک ہو گئے۔
پولیس رپورٹس کے مطابق مسلح شخص اس اسٹور کے منیجروں میں سے ایک تھا جس نے اس شاپنگ سینٹر کے اندر لوگوں پر گولی چلانے کے بعد خودکشی کرلی۔
چیسپسک شہر کے ٹوئٹر اکاونٹ نے اس پہلے ایک پیغام میں کہا تھا کہ فائرنگ کا واقعہ؛ ہلاکتوں کیساتھ۔
اس فائرنگ میں متعدد دیگر افراد زخمی بھی ہوئے تاہم حملہ آور کیجانب سے فائرنگ کی وجہ معلوم نہیں ہو سکی۔
چیسپیک سٹی پولیس چیف مارک سولسکی نے ایک نیوز کانفرنس میں بتایا کہ منگل کو دیر گئے ایک بندوق بردار نے دستی بندوق سے فائرنگ کی جس میں سات افراد ہلاک اور کم از کم چار زخمی ہوئے۔
واضح رہے کہ یہ پہلی بار نہیں ہے کہ امریکہ میں اس طرح کے واقعات رونما ہوتے ہیں اور اس پہلے بھی مختلف شہروں میں فائرنگ ہوئی تھی۔
ہمیں اس ٹوئٹر لینک پر فالو کیجئے @IRNA_Urdu
آپ کا تبصرہ