دشمنوں نے لیبیا اور شام کی طرح ایران کو عدم استحکام سے دوچار کرنے کی کوشش کی مگر ناکام ہوگئے: صدر رئیسی

یہ بات علامہ سید ابراہیم رئیسی نے ہفتہ کے روز طالب علموں کے ساتھ ایک نشست سے خطاب کرتے ہوئے کہی۔
 انہوں نے کہا کہ آج ایران اور اس کے مختلف شہر محفوظ ہیں اور امریکی اور ہمارے دشمن ایران میں وہی کام کرنا چاہتے ہیں جو انہوں نے لیبیا اور شام میں کیا تھا لیکن وہ اپنے مقاصد تک پہنچنے میں ناکام رہے۔
صدر رئیسی نے کہا کہ فسادات اور ملک میں خلل ڈالنے کی کوششیں احتجاج سے مختلف ہیں، اس لیے عدم تحفظ اور بدامنی پھیلانے والوں کے خلاف کھڑا ہونا ضروری ہے۔
انہوں نے اس بات پر زور دیا کہ بہت سی پیشرفتیں ہیں، جن سے عوام اور یہاں تک کہ اشرافیہ بھی نہیں جانتے ہیں۔
انہوں نے دلیل دی کہ حالیہ پیش رفت کا مشاہدہ کرنے کے بعد، طاب علم یہ سمجھیں گے کہ ایرانی محققین پابندیوں کے باوجود ملک کو آگے بڑھانے میں کامیاب ہوئے، اس لیے اس پیشرفت نے دشمنوں کو قوم کے خلاف نئی سازشیں کرنے پر اکسایا۔
ایرانی صدر نے اس بات پر بھی زور دیا کہ اولمپیاڈ ٹیموں کے رکن اعلیٰ طلباء و طالبات اسلامی جمہوریہ ایران کی ترقی کی علامت ہیں۔
ہمیں اس ٹوئٹر لینک پر فالو کیجئے @IRNA_Urdu