تیل کی برآمدات پابندیوں سے پہلے کے اعدادوشمار تک پہنچ رہی ہے: ایرانی صدر

یہ بات علامہ سید ابراہیم رئیسی نے ہفتہ کے روز یونیورسٹیوں کے سربراہوں کے ساتھ ایک ملاقات کے دوران گفتگو کرتے ہوئے کہی۔
انہوں نے کہا کہ علمی مراکز سائنس کی نسل اور ملک کی سائنسی صلاحیتوں میں بہتری کے مرکز ہیں تاکہ دشمنوں کو مایوس کیا جا سکے اور دشمن کی خواہشات اور ملک کو تنہا کرنے کی کوششوں کے برعکس پڑوسیوں اور خطے کے ممالک کے ساتھ تعلقات بڑھ رہے ہیں۔
رئیسی نے کہا کہ ایران کے غیر ملکی تجارتی تعلقات میں 5 گنا تک اضافہ اور ملک کا تجارتی توازن مثبت کے قریب پہنچنا، راہداری میں ایران کے حصہ میں اضافہ، معیشت اور خطے کی سائنسی اور تکنیکی ترقی مملکت کی حالیہ پیشرفت کے اظہار میں دیگر مثالوں میں شامل ہے۔
انہوں نے موجودہ نفسیاتی جنگ کا حوالہ دیتے ہوئے کہا کہ دشمنوں نے اسلامی ملک کی سائنسی، صنعتی اور خدماتی سرگرمیوں کو روکنے کی بھرپور کوشش کی لیکن ان کی سازشیں ناکام ہوئیں۔
ایرانی صدر نے یونیورسٹیوں سمیت ملک میں حالیہ دنوں میں پیش آنے والے واقعات پر بھی روشنی ڈالی اور یونیورسٹی کو حالیہ واقعات پر بحث و مباحثہ اور حل فراہم کرنے کے لیے بہترین جگہ قرار دیا اور کہا کہ مسائل کی صحیح تفہیم ان مباحثوں کی اہم شرط یہ ہے اگر مسائل کا اچھی طرح سے تجزیہ نہیں کیا جاتا ہے یا تجزیے سچائی کے بجائے میڈیا اور ورچوئل ماحول سے متاثر ہوتے ہیں تو مجوزہ حل غلطیوں کا باعث بنیں گے۔
ہمیں اس ٹوئٹر لینک پر فالو کیجئے @IRNA_Urdu