صدر رئیسی کا باہمی احترام پر مبنی چین کیساتھ تعلقات کو وسعت دینے پر زور

یہ بات علامہ سید ابراہیم رئیسی نے پیر کے روز اپنے چینی ہم منصب شی جین پینگ کو تیسری بار اقتدار سنبھالنے پر ایک مبارکباد کے پیغام میں کہی۔
انہوں نے کہا کہ ایران اور چین کے درمیان 25 سالہ اسٹریٹجک تعاون کے معاہدے کے مقاصد پر عمل درآمد سے دونوں ممالک کو باہمی احترام اور مفادات پر مبنی تمام تر تعلقات کی توسیع کا نمونہ ملے گا۔
صدر رئیسی نے مزید کہا کہ کثیرالجہتی تنظیموں اور اداروں کے درمیان تعاون بین الاقوامی امن اور استحکام کے تحفظ کے ساتھ ساتھ دونوں ممالک کے مفادات کا بھی تحفظ کرے گا۔
اتوار کے روز، شی جین پینگ کو سیاسی بیورو کی قائمہ کمیٹی کی تاریخی کانگریس میں مسلسل تیسری مرتبہ 20ویں سی پی سی کی مرکزی کمیٹی میں کمیونسٹ پارٹی آف چائنا (سی پی سی) کی مرکزی کمیٹی کا جنرل سیکرٹری منتخب کیا گیا۔
چینی صدر گزشتہ 10 سالوں سے پارٹی کی صدارت کر رہے ہیں، اس لیے وہ ملک کے پہلے عہدیدار تصور کیے جاتے ہیں، جو چین کی کمیونسٹ پارٹی کے جنرل سیکرٹری کے طور پر لگاتار تین بار کام کریں گے۔
ہمیں اس ٹوئٹر لینک پر فالو کیجئے @IRNA_Urdu