ارنا رپورٹ کے مطابق، ڈاکٹر "مجید روحی" نے 24 سے 27 مئی تک تہران بین الاقوامی نمائشوں کے مستقل مقام پر 23 ویں ایران ہیلتھ نمائش کے انعقاد پر تبصرہ کرتے ہوئے کہا کہ یہ نمائش طبی آلات اور صحت کے شعبوں سمیت متعلقہ طبی شعبوں میں ملکی اور غیر ملکی کمپنیوں کی نمایاں موجودگی اور ان کمپنیوں کے درمیان رابطوں اور دو طرفہ تعاون کو فروغ دینے کے ساتھ، علاقے اور دنیا کی سب سے باوقار نمائشوں میں سے ایک ہے۔
روحی نے کہا کہ ہم ہر روز طبی اور صحت کے آلات کی صنعت میں سائنسی اور صنعتی ترقی کا مشاہدہ کر رہے ہیں اوراس قسم کی نمائشوں کے انعقاد سے ملک کی صحت اور طبی صنعت سے وابستہ افراد کو معلومات کے تبادلے کے موقع کی فراہمی سے ہم معلومات کے تبادلے اور نئی عالمی کامیابیوں سے واقفیت کے ساتھ ساتھ عہدیداروں کے تعاون سے اس میدان میں رفتہ رفتہ ترقی، خوشحالی اور خود کفالت دیکھیں گے۔
انہوں نے علم پر مبنی کمپنیوں کی حمایت پر قائد اسلامی انقلاب کے اہم بیانات پر تبصرہ کرتے ہوئے کہا کہ 23 ویں ایران ہیلتھ نمائش میں اس شعبے میں سرگرم علم پر مبنی کمپنیوں کی حمایت کے پروگرام منعقد کیے گئے ہیں اور ان کمپنیوں کی مارکیٹ کو ترقی دینے اور ان کی مصنوعات اور کامیابیوں کو متعارف کرانے کے لیے پویلین منعقد کیے گئے ہیں۔
روحی نے ایران ہیلتھ نمائش میں غیر ملکی تجارتی وفود اور کمپنیوں کی موجودگی کا ذکر کرتے ہوئے کہا کہ بہت سے ممالک ایرانی طبی سازوسامان خریدنے کے خواہاں ہیں اور یہ نمائش ایرانی طبی سامان تیار کرنے والے اداروں کے لیے ایک اچھا موقع ہے کہ وہ پابندیوں کے حالات میں اپنی برآمدات اور کرنسی کو مضبوط بنا کر ملک کے لیے سائنسی اور اقتصادی میدان میں انتہائی سازگار نتائج لائیں۔
انہوں نے 23 ویں ایران ہیلتھ نمائش میں سرکاری حکام کی موجودگی کے ساتھ طب کے مختلف شعبوں میں علم پر مبنی اور مکمل طور پر دیسی مصنوعات کی نقاب کشائی کے منصوبوں کا اعلان کرتے ہوئے کہا کہ یہ نمائش یقینی طور پر طبی یونیورسٹیوں، ہسپتالوں اور نجی اور سرکاری طبی مراکز کے لیے مکمل طور پر ایرانی مصنوعات کی اپنی ضروریات کو پورا کرنے اور صحت کے شعبے میں ملکی صنعت کاروں اور علم پر مبنی کمپنیوں کی مدد کرنے کا ایک اچھا موقع ہوگی۔
واضح رہے کہ طبی، ڈینٹل، لیبارٹری، دواسازی اور صحت سے متعلق آلات (ایران ہیلتھ) کی 23ویں بین الاقوامی نمائش 24 سے 27 مئی کو صبح 9:00 بجے سے شام 4:00 بجے تک تہران کے بین الاقوامی نمائشی مرکز میں منعقد ہوگی۔
**9467
ہمیں اس ٹوئٹر لینک پر فالو کیجئے. IrnaUrdu@
آپ کا تبصرہ