ایرانی مسلح افواج کے سربراہ تاجکستان پہنچ گئے

میجر جنرل محمد باقری ایک اعلیٰ سطحی وفد کے ساتھ پیر کے روز تاجکستان کے ساتھ فوجی تعاون کو وسعت دینے کے لیے اس ملک پہنچ گئے۔
تاجکستان کے چیف آف جنرل اسٹاف لیفٹیننٹ جنرل امام علی صابرزادہ اور اس ملک کے وزیر دفاع کے سنیئر نائب نے میجر جنرل باقری اور ان کے ساتھ آنے والے فوجی وفد کا استقبال کیا۔
باقری نے کہا کہ ان کے دورے کا مقصد ایران اور تاجکستان کے درمیان فوجی اور دفاعی تعاون کو مضبوط بنانا ہے کیونکہ دونوں ممالک ایک ہی جغرافیائی سیاسی خطے میں واقع ہیں۔
انہوں نے پڑوسیوں کے ساتھ تعلقات کو فروغ دینے کے لیے اسلامی جمہوریہ ایران کی حکومت کی پالیسی کا حوالہ دیتے ہوئے کہا کہ دونوں ممالک کی سلامتی، امن کو بہتر بنانے کے لیے، ہم اس دورے کے دوران فوجی اور سیاسی حکام کے ساتھ دو طرفہ ملاقاتیں کریں گے۔
وہ اس دورے کے دوران تاجکستان کے صدر امام علی رحمان سمیت تاجک فوجی اور سیاسی حکام سے ملاقات کریں گے۔
ہمیں اس ٹوئٹر لینک پر فالو کیجئے. IrnaUrdu@