کویت کا موقف علاقائی سازشوں کے سامنے آگاہانہ ہے: ایرانی صدر

یہ بات علامہ سید ابراہیم رئیسی نے منگل کے روز کویت کے امیر شیخ نواف الاحمد الجابر الصباح کے ساتھ ایک ٹیلی فونگ رابطے کے دوران گفتگو کرتے ہوئے کہی۔
اس موقع پر انہوں نے کویت کے عوام کو عید الفطر کی مبارکباد پیش کی اور کہا کہ یہ مواقع اسلامی ممالک کے درمیان ہم آہنگی کو بڑھاتے ہیں۔
صدر رئیسی نے تہران میں امیر کویت کی ملاقات کی امید کا اظہار کرتے ہوئے کہا کہ دونوں ممالک کے حکام کے درمیان دوروں کے تبادلے میں اضافہ دو طرفہ تعاون کی سطح کو پہلے سے زیادہ بلند کرنے کے لیے دستیاب امکانات کو فعال کرے گا۔
انہوں نے علاقائی سازشوں کے حوالے سے کویتی موقف کو آگاہانہ قرار دیا اور ماضی میں اچھے دوطرفہ تعلقات کو نوٹ کرتے ہوئے ایران اور کویتی تعلقات کو دو پرانے دوست ممالک کے طور پر حقیقی شکل میں واپس آنے کی ضرورت پر زور دیا۔
امیر کویت نے اسلامی جمہوریہ ایران کے صدر اور ایرانی عوام کو عید الفطر کے موقع پر مبارکباد پیش کرتے ہوئے رئیسی کی صدارت کے دوران ہمسایہ اور دوست ممالک کے ساتھ تعلقات کو مضبوط بنانے کے لئے اسلامی جمہوریہ ایران کی نئی سمت اور دلچسپی پر اپنی گہری مسرت کا اظہار کیا۔
انہوں نے کویت میں ایرانی صدر کی میزبانی کی امید کا بھی اظہار کیا اور کہا کہ دونوں ممالک کے حکام بالخصوص اعلیٰ حکام کے درمیان ملاقاتوں سے دو طرفہ تعلقات مضبوط ہوں گے اور مشترکہ مفادات کی فراہمی کے لیے مشترکہ کوششوں میں اضافہ ہوگا۔
ہمیں اس ٹوئٹر لینک پر فالو کیجئے. IrnaUrdu@