ارنا کے مطابق سپاہ پاسداران انقلاب اسلامی کے کمانڈر انچیف نے ایک بیان جاری کرکے، غاصب صیہونی حکومت کے پیکر پر ایرانی انٹیلیجنس کے کاری وار کی مبارکباد پیش کی ہے۔
انھوں نے اپنے اس پیغام میں کہا ہے کہ غاصب صیہونی حکومت کی ایٹمی، فوجی، سیکورٹی، اور انفرا اسٹرکچرسے متعلق بے شمار دستاویزات تک ایرانی انٹیلیجنس کی دسترسی، طوفان الاقصی دو کی مصداق ہے جس نے غاصب صیہونی حکومت کے وہم وگمان پر مبنی اس دعوے پر خط بطلان کھینچ دیا کہ خطے میں اسلامی جمہوریہ ایران کمزورہے۔
جنرل حسین سلامی نے کہا ہے کہ ایرانی انٹیلیجنس کے اس اسٹریٹیجک آپریشن نے موساد کا یہ بھرم خاک میں ملادیا کہ وہ دنیا کی پیچیدہ ترین سیکورٹی اور انٹیلیجنس ایجنسی ہے۔
انھوں نے کہا ہے کہ اس آپریشن میں جو اہم دستاویزات حاصل ہوئی ہیں، ان سے غاصب صیہونی حکومت کے حساس مراکز کو میزائلوں سے نشانہ بنانے میں، بہت مدد ملے گی اور یقینا یہ غاصب صیہونی حکومت کے پیکرپر لگنے والا آخری وار نہیں ہے۔
آپ کا تبصرہ