محمد اسلامی نے صحافیوں کو بتایا کہ گزشتہ سہ ماہی میں بورڈ آف گورنرز کی قرارداد میں انٹرنیشنل اٹامک ایجنسی کے ڈائریکٹر جنرل کو ایران کے اٹامک پروگرام کے بارے میں ایک جامع رپورٹ پیش کرنے کی ضرورت تھی۔ ڈائریکٹر جنرل نے بھی اس فرض کے مطابق اپنی رپورٹ تیار کر کے پیش کر دی ہے۔ اس کے ساتھ ہی صیہونی اثر و رسوخ کے زیر اثر 3 یورپی ممالک نے امریکہ کے ساتھ مل کر ایک قرارداد پیش کی اور اس کی توثیق کی کوشش کر رہے ہیں۔
انہوں نے کہا کہ یہ دعویٰ کہ ایران نے حفاظتی انتظامات کے دائرے میں اپنی ذمہ داریاں پوری نہیں کیں سفید جھوٹ ہے اور اس سلسلے میں کوئی دستاویز نہیں ہے۔ ایجنسی کے انسپکٹرز کی ایک بھی رپورٹ ایسی نہیں ہے جس میں ایران کی مخالفت یا انکے فرائض کی انجام دہی میں رکاوٹ کی نشاندہی کرے۔ اس لیے اس سمت میں آگے بڑھنے اور جھوٹی رپورٹیں پیش کرنے سے ایجنسی جیسے بین الاقوامی ادارے کی ساکھ کو ہی نقصان پہنچے گا۔
محمد اسلامی نے ایران کے خلاف صیہونی حکومت کی دھمکیوں کے بارے میں کہا کہ ہماری مسلح افواج اسرائیل کی گھمنڈ اور بکواس کا منہ توڑ جواب دیں گی۔ اگر ایرانی جوہری تنصیبات کو نشانہ بنایا تو ایرانی مسلح افواج ان کی جوہری تنصیبات کو نشانہ بنائیں گی۔
مغربی کی جانب سے ٹریگر میکانزم کو فعال کرنے پر ایران کے ممکنہ ردعمل کے بارے میں ایک سوال کے جواب میں، انہوں نے کہا کہ ٹریگر میکانزم کو فعال کرنے کے جواب میں NPT سے دستبرداری بھی ایک فیصلہ ہے جو مناسب وقت پر لیا جاسکتا ہے۔
آپ کا تبصرہ